Mańǵystaýda Qaraqııa aýdanynyń mektepteri onlaın oqýǵa kóshirildi
AQTAÝ. KAZINFORM – Óıtkeni daýyldy jel turyp, kóshelerde júrý múmkin bolmaı qalǵan. Ǵımarattar men mektepterdiń shatyrlary ushqan. Balalardyń qaýipsizdigin aldyn-alý maqsatynda, tústen keıingi synyptar qashyqtan oqýǵa jiberildi.
Qaraqııa aýdany ákimdiginiń málimetinshe, aýdanda 3 ǵamarattyń jáne 2 jeke turǵyn úıdiń shatyry ushqan. Abyroı bolǵanda, zardap shekkender joq. Daýyldyń saldarynan keı jerlerde elektr jelisi úzilip al, keı jerlerde ýaqytsha ajyratyldy. Tótenshe jaǵdaı boıynsha jedel shtab qurylyp komıssııa otyrysy ótýde.
Al, Mańǵystaý oblysy tótenshe jaǵdaılar departamentiniń habarlaýynsha, aımaqta turaqsyz aýa raıy áli de saqtalady. Óıtkeni, keń aýqymdy soltústik-batys tsıklony júrip jatyr.
- Mańǵystaý oblysy turǵyndaryna ǵımarattardan shyqpaýǵa ıaǵnı kólikterin taldardyń astyna qoımaýǵa, balalardy qaraýsyz qaldyrmaýǵa jáne osyndaı tótenshe jaǵdaılar bolǵan kezde 112 jáne 101 telefon nómirine habarlasýyńyzdy suramyz, - deıdi oblystyq tótenshe jaǵdaılar departamentiniń resmı ókili Erlan Sultanmuratov.
Buǵan deıin, Aqtaýda aıaldamanyń qańyltyry ushyp, eki turǵynnyń zardap shekkenin jazǵan bolatynbyz.
