Mańǵystaýda qant dıabetimen aýyratyn bala kóbeıgen
Mańǵystaýda qant dıabetine shaldyqqan balalardyń sany artqan. Ótken jyly 188 bala bolsa, bıyl olardyń sany 200-ge jetken, dep habarlaıdy Kazinform.
«Jyldan-jylǵa bizdiń aýrýhanamyzǵa da kelip emdelýshi balalar sany kóbeıip jatyr. Mysaly, 2022 jyldyń 10 aıynda 188 bala emdelgen bolsa, osy 2023 jyldyń 10 aıynda 200-diń ústinde bala emdelip júr», - dedi Mańǵystaý oblystyq kópbeıindi balalar aýrýhanasy dırektorynyń orynbasary Álııa Eshımova.
Jalpy óńirde 12 myńnan asa qant dıabetine shaldyqqan naýqas bar. Al byltyr atalǵan aýrýmen ómir súretinder sany 11 myń bolǵan. Sonymen qatar oblystyq aýrýhanada 2 jyldan beri «Dıabet mektebi» jumys istep tur. Onda ata-analarǵa balalarynyń balabaqsha men mektepke barý rejımi, durys tamaqtaný tártibi, ınsýlın gormonyn paıdalaný jóninde tegin keńes beriledi. Oǵan qosa 18 jasqa deıingi jasóspirimder tirkelgen emhanasynan dári-dármek pen glıýkometr jáne ınsýlın sorǵy apparattaryn ala alady.
