Mańǵystaýda ystalǵan balyqtan ýlanǵan úsh naýqas aýrýhanadan shyqty
AQTAÝ. KAZINFORM — Mańǵystaý oblysy Munaıly aýdanynda ystalǵan balyq ónimin tutynǵannan keıin botýlızm belgilerimen aýrýhanaǵa túsken úsh naýqas emdelip, medıtsınalyq mekemeden shyǵaryldy. Bul týraly oblystyq densaýlyq saqtaý basqarmasy habarlady.
Eske salaıyq, 2026 jylǵy 21 qyrkúıekte bir otbasynyń tórt múshesi, onyń ishinde kámeletke tolmaǵan bala, ystalǵan balyq ónimin tutynǵannan keıin botýlızm belgilermen medıtsınalyq kómekke júgingen bolatyn. Naýqastarǵa qajetti medıtsınalyq kómek kórsetilip, botýlızmge qarsy sarysý engizilgen.
Ókinishke qaraı, kámeletke tolmaǵan bala qaıtys boldy. Qalǵan úsh naýqas dárigerlerdiń baqylaýynda bolyp, emdelip shyqty.
Buǵan deıin Mańǵystaýda balyqtan ýlanǵan tórt adam jansaqtaý bólimine túskenin jazǵan bolatynbyz.
Keıinnen aýrýhanaǵa túsken 9 jastaǵy balanyń týystary kómek suraǵany belgili boldy.
