Mańǵystaýda ystalǵan balyqtan ýlanǵan úsh naýqas aýrýhanadan shyqty
AQTAÝ. KAZINFORM – Mańǵystaý oblysy Munaıly aýdanynda ystalǵan balyq ónimin tutynǵannan keıin botýlızm belgilerimen aýrýhanaǵa túsken úsh naýqas emdelip, medıtsınalyq mekemeden shyǵaryldy. Bul týraly oblystyq densaýlyq saqtaý basqarmasy habarlady.
Aýrýhanadan shyqqan turǵyndardyń biri dárigerlerge alǵysyn bildirip, endi balyq jemeıtinin aıtty.
⁃ Endi balyq jemeıtin boldym. Bizdi qıyn jaǵdaıdan qutqaryp, emdegen dárigerler men medbıkelerge rahmet. Halyqtyń alǵysyna bólene berińizder, - dedi ol.
Eske salaıyq, 2026 jylǵy 21 qyrkúıekte bir otbasynyń tórt múshesi, onyń ishinde kámeletke tolmaǵan bala, ystalǵan balyq ónimin tutynǵannan keıin botýlızm belgilermen medıtsınalyq kómekke júgingen bolatyn. Naýqastarǵa qajetti medıtsınalyq kómek kórsetilip, botýlızmge qarsy sarysý engizilgen.Ókinishke qaraı, kámeletke tolmaǵan bala qaıtys boldy. Qalǵan úsh naýqas emdelip shyqty.
Mamandar botýlızmniń asa qaýipti aýrý ekenin eskertedi. Ol júıke júıesin zaqymdap, kórý qabiletiniń buzylýyna, jutyný men tynys alýdyń qıyndaýyna ákeledi. Aýyr jaǵdaıda adamnyń ómirine qaýipti. Aýrý kóbine durys daıyndalmaǵan nemese tıisti jaǵdaıda saqtalmaǵan taǵamdardy tutynýdan týyndaıdy. Sondyqtan úı jaǵdaıynda daıyndalǵan konserviler men ystalǵan balyq ónimderin tutynǵanda saqtyq tanytý qajet. Botýlızmge kúdik týyndasa, dereý medıtsınalyq kómekke júginý kerek.
Buǵan deıin, Mańǵystaýda balyqtan ýlanǵan tórt adam jansaqtaý bólimine túskenin jazǵan bolatynbyz
Mańǵystaýda balyqtan ýlanǵan 9 jastaǵy bala kóz jumdy.
