Álemdik azyq-túlik jetkizilimine qaýip tónip tur — BUU

ASTANA. KAZINFORM — BUU Taıaý Shyǵystaǵy qaqtyǵystardan keıin Sýdanǵa gýmanıtarlyq kómek kórsetý toqtatylýy múmkin dep eskertedi. Bul týraly AZERTADJ agenttigi jazdy.

Halyqaralyq teńiz uıymy Ormýz buǵazynda kemege taǵy bir shabýyl jasalǵanyn habarlady. Sońǵy nysana tolyq tıelgen Kýveıt munaı tankeri boldy. Shabýyl Dýbaı jaǵalaýynda ornalasqan tanker bortynda órtke ulasty.

OSy jaǵdaı, a baılanysty ekıpaj qaýipsiz, qorshaǵan ortany lastaý qaýpi joq, dep habarlandy.

Qazirgi ýaqytta buǵaz aımaǵynda kemelerge 19 shabýyl jasalǵany rastaldy.

Halyqaralyq teńiz uıymy (HTU) shamamen 2000 kemedegi 20 myń teńizshiniń buǵazdda qalyp qoıǵanyna alańdaýshylyq bildirip otyr. 

Uıym ókili Damen Shevale mundaıdy buryn-sońdy bolmaǵan jaǵdaı dep atady. Onyń aıtýynsha, bul ekinshi dúnıejúzilik soǵystan beri baıqalmaǵan.

Soǵys bastalǵaly beri gýmanıtarlyq uıymdar jaǵdaıy múshkil elderdegi halyqtyń eń osal toptary úshin daǵdarystyń saldary týraly eskertti. Búgin BUU-nyń Dúnıejúzilik azyq-túlik baǵdarlamasy (WFP) bul qorqynysh Sýdan, Ońtústik Sýdan jáne Somalıde shyndyqqa aınalǵanyn rastady.

Bul aımaqtardaǵy gýmanıtarlyq operatsııalar jetkizilimniń keshigýi men shyǵyndardyń kúrt ósýine baılanysty quldyraý shegine jetti. Kómek qajet elderge arnalǵan shamamen 70 myń tonna azyq-túlik soǵys áreketterine baılanysty bloktalǵan, taýarlar qazirgi ýaqytta porttardan shyǵa almaı tur.

Mysaly, buryn Dúnıejúzilik azyq-túlik baǵdarlamasy Iran arqyly tranzıtpen Aýǵanstandaǵy 17 mıllıon muqtajǵa kómek jetkizetin. Qazir agenttik júkterdi Dýbaıdan Saýd Arabııasy arqyly avtokólikpen baǵyttaýǵa májbúr.

Kópjyldyq qarjy tapshylyǵy jaǵdaıdy ýshyqtyrdy.

— Bizdiń rezervtik qorlarymyz tolyǵymen taýsyldy. Biz bir kúnmen ómir súrip jatyrmyz, — dedi Jenevadaǵy jýrnalısterge UQJ ókili Korın Fleısher.

Aıta keteıik, qaqtyǵys bastalǵannan beri Lıvannan Sırııa shekarasyn 200 myńnan astam adam kesip ótken. Olardyń kópshiligi Beırýt pen eldiń basqa aımaqtaryndaǵy jarylystardan qashyp keledi.