Mańǵystaýda halyqaralyq áskerı jattyǵýlar bastaldy
AQTAÝ. KAZINFORM – Aqtaýǵa "Birlestik-2024" jedel-taktıkalyq komandalyq-shtabtyq oqý jattyǵýyna qatysatyn Qyrǵyzstan, Ózbekstan, Ázerbaıjan jáne Tájikstan elderiniń áskerı qyzmetshileri keldi.
Qazaqstan Respýblıkasy Qorǵanys Mınıstrligi Aqtaý garnızony baspasóz qyzmetiniń habarlaýynsha, Mańǵystaýǵa at basyn tiregen shet eldik áskerılerdiń bir bóligi áýe kemesimen, endi bir bóligi Kaspıı teńizi arqyly kelgen.
Halyqaralyq "Birlestik-2024" jedel-taktıkalyq komandalyq-shtabtyq oqý jattyǵýy shildeniń 8-17 aralyǵynda ótedi. Jaýyngerlik mindetterdi oryndaý boıynsha birikken is-qımyldar "Oımasha" polıgonynyń aýmaǵynda sondaı - aq, Qaraqııa aýdany Toqmaq múıisinen eki shaqyrym jerdegi teńiz ýchaskesinde bolady.
Oqý-jattyǵý kezinde 5 eldiń áskerı kontıngentteri qarýly qaqtyǵysty oqshaýlaý boıynsha birlesken operatsııa daıyndap, júrgizedi. Oǵan 4 myńǵa jýyq áskerı qyzmetshi jáne 700 ge jýyq qarý-jaraq pen áskerı tehnıka jumyldyrylmaq.
