Mańǵystaýda gaz qubyrynan órt shyǵyp, jarylys boldy
AQTAÝ. KAZINFORM - Mańǵystaý oblysynda gaz qubyry jelisinde órt shyǵyp, jarylys boldy.
Oqys oqıǵa aýdan aýmaǵynda «IntergazOrtalyqAzııa» AQ-nyń SATs-4 magıstraldi gaz qubyrynda boldy. Bul týraly óńirdiń tótenshe jaǵdaılar departamenti málimdedi.
«18 naýryz kúni túngi saǵat 23:00 mınýt shamasynda Beıneý aýylyndaǵy «IntergazOrtalyqAzııa» AQ-nyń SATs-4 magıstraldi gaz qubyrynyń porshendi jiberý torabynda órt shyǵyp, jarylys boldy. Oqıǵadan zardap shekkender joq. Órt tolyqtaı sóndirildi. Qazirgi tańda jarylystyń sebebi anyqtalyp jatyr», - dedi Mańǵystaý oblystyq TJD-niń baspasóz qyzmeti.
Buǵan deıin Aqtaýdaǵy órt kezinde kúıip qalǵan ózbekstandyq eki azamat jansaqtaý bólimine jetkizilgen bolatyn.
Keıin TJD qaladaǵy kólik dóńgelegin jóndeý tsehynda órt shyǵyp, shetel azamaty kúıip qalǵanyn málimdedi.
