Mańǵystaýda esirtki saýdasymen aınalysqan qylmystyq toptan mıllıardtar tárkilendi
ASTANA. KAZINFORM – 2025 jyldyń qańtar aıynda Mańǵystaý oblysynyń prokýratýrasymen esirtki jáne psıhotroptyq zattardy ótkizý deregi boıynsha (QK-niń 297-b. 3-b. 1-t.) sotqa deıingi tergep-tekserý bastaldy. Bul týraly Qazaqstan Bas prokýratýrasynyń baspasóz qyzmeti habarlady.
Qylmystyq isti tergep-tekserýdi oblys prokýratýrasynyń Sotqa deıingi tergep-tekserý basqarmasyna tapsyryldy.
Oblys prokýrory Aıdos Maılybaevtyń ókimimen vedomstvoaralyq jedel-tergeý toby quryldy. Onyń quramyna Qazaqstan Respýblıkasy Qarjylyq monıtorıng agenttigi jáne oblystyq Polıtsııa departamentiniń qyzmetkerleri de kirdi.
– 2025 jylǵy 28 naýryzda tergep-tekserilip jatqan qylmystyq istiń eki epızody boıynsha qatysy bar adamdar ustalyp, QPK-niń 128-babyna sáıkes ýaqytsha ustaý ızolıatoryna qamaldy. Sotpen olarǵa qatysty «kúzetpen ustaý» túrindegi bultartpaý sharasy qoldanyldy. Oqıǵa bolǵan jerdi qarap-tekserý kezinde 1,174 mlrd teńge jáne 176 myń AQSh dollary alyndy, - delingen Qazaqstan Bas prokýratýrasynyń baspasóz qyzmeti taratqan habarlamada.
Іs boıynsha tergep-tekserý jalǵasyp jatyr. Tergep-tekserý barysy oblys prokýrorynyń qatań baqylaýyna alyndy.
QPK-niń 201-babyna sáıkes sotqa deıingi tergep-tekserý derekterin jarııa etýge jol berilmeıdi.
Eske sala keteıik, buǵan deıin Shymkentte kýrerden 1 kılogramm esirtki tabylǵanyn jazǵan edik.