Mańǵystaýda esirtki saýdalaýmen aınalysqan toptan 2 mlrd teńge tárkilendi

ASTANA. KAZINFORM - 2025 jyldyń qyrkúıeginde Mańǵystaý oblysy prokýratýrasynyń arnaıy prokýrorlarymen «DıÝNЬ OPERATOR» ınternet-esirtki dúkeniniń qyzmetin júzege asyrǵan transulttyq uıymdasqan qylmystyq topqa qatysty birqatar rezonansty qylmystyq ister aıaqtalyp, sotqa joldandy.

QR Mańǵystaý oblystyq prokýratýrasy bapasóz qyzmetiniń habarlaýynsha, júrgizilgen jedel-tergeý is-sharalarynyń nátıjesinde, sondaı-aq aqsha qozǵalysyn tekserý barysynda Jambyl, Aqtóbe oblystarynyń aýmaǵynda jáne Shymkent qalasynda 4 adam ustaldy.

Tergeý barysynda qylmystyq jolmen alynǵan 2 mlrd teńgeden astam aqsha qarajaty tárkilenip, jalpy quny 100 mln teńgeden asatyn múlikke tyıym salyndy.

Budan bólek, zańsyz aınalymnan asa iri mólsherde esirtki zattary alyndy.

Qylmystyq isti qaraý nátıjesimen aǵymdaǵy jyldyń 19 aqpanynda jáne 20 naýryzynda Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń úkimderimen sottalýshylar transulttyq jáne uıymdasqan top múshesi bola, esirtki zattaryn ótkizý, asa iri mólsherde saqtaý, zańsyz kásipkerlik qyzmetpen aınalysý jáne qylmystyq jolmen alynǵan aqsha qarajatyn zańdastyrý faktilerimen kináli dep tanyldy.

- Sottalǵandarǵa 16 jyldan 18 jylǵa deıin bas bostandyǵynan aıyrý jazasy taǵaıyndaldy. 2 mlrd teńgeden astam aqsha qarajaty memleket kirisine tárkilendi. Sondaı-aq sottalǵandarǵa tıesili lıýks sanatyndaǵy avtokólikteri tárkilendi. Sot úkimderi zańdy kúshine engen joq, - delingen habarlamada.

Osyǵan deıin Taldyqorǵanda esirtki satý arnasy áshkerelengeni týraly jazdyq.