Mańǵystaýda esirki zattary saqtalǵan qoıma tabyldy
AQTAÝ. KAZINFORM – Jasyryn qoımada 60 mıllıon teńgeniń esirtkisi anyqtaldy.
Memleket basshysynyń tapsyrmasyn oryndaý maqsatynda Mańǵystaý oblysy boıynsha Ekonomıkalyq tergep-tekserý departamentiniń qyzmetkerleri, jedel-izdestirý is-sharalaryn júrgizdi. Ulttyq qaýipsizdik komıtetiniń shekara qyzmetkerlerimen birlese jáne Mańǵystaý oblysynyń prokýratýrasynyń úılestirýimen birge «Ómir» demalys bazasyna qaraı 39 shaqyrym jerde ornalasqan qumdy aýmaqtan jasyryn qoımany anyqtady. Onyń ishinen salmaǵy 10 keli, baǵasy 60 mıllıon teńge turatyn, gashısh esirtkisin shyǵardy.
Osylaısha Mańǵystaý oblysy boıynsha Ekonomıkalyq tergep-tekserý departamentiniń qyzmetkerleri oblys aýmaǵynda esirtki zattarynyń zańsyz satylýyn toqtatty.
Atalǵan fakti boıynsha QR QK 296-baby 4-bóligi (esirtki, psıhotroptyq zattardy, olardyń analogtaryn asa iri mólsherde zańsyz daıyndaý, óńdeý, satyp alý, saqtaý, tasymaldaý) boıynsha aldyn ala tergep-tekserý bastaldy.
Quqyqtyq aqparattyń ózge bóligi QR QPK 201-babyna sáıkes jarııa etýge jatpaıdy.
Buǵan deıin Mańǵystaýda birneshe kúnnen beri qoqys polıgony órtenip jatqanyn jazǵan bolatynbyz.
