Mańǵystaýda eńbek ınspektsııasy jumysshylardyń jalaqysyn óndirip berdi
AQTAÝ. KAZINFORM — Mańǵystaý oblysynda «Aqtaý mashına jasaý kesheni» JShS-niń 101 qyzmetkerine 41,8 mln teńge kólemindegi jalaqy bereshegi tolyq óteldi. Buǵan memlekettik eńbek ınspektorlarynyń aralasýy sebep bolǵan.
QR Eńbek jáne halyqty áleýmettik qorǵaý mınıstrliginiń málimetinshe, bereshek kásiporynǵa júrgizilgen tekserý barysynda anyqtalǵan. Jumysshylarǵa 2026 jylǵy mamyr jáne maýsym aılary úshin jalaqy tólenbegen. Jumys berýshige zańbuzýshylyqty joıý týraly nusqama berilip, keıin qaryz tolyq ótelgen.
Sondaı-aq óńirde «ıAssy Servıs» JShS-ne júrgizilgen tekserý kezinde ústeme jumys aqysyn tóleý tártibiniń buzylǵany anyqtaldy. Inspektorlardyń aralasýynan keıin qyzmetkerlerdiń birine 290 myń teńge tólengen.
Mınıstrlik jumysshylar jalaqyny ýaqtyly ári tolyq alýǵa, eńbek shartynyń talaptarynyń saqtalýyna jáne eńbek quqyqtarynyń qorǵalýyna quqyly ekenin eske salady.
Jalaqy keshiktirilgen, jumystan zańsyz shyǵarylǵan nemese eńbek zańnamasy ózge de jolmen buzylǵan jaǵdaıda, jumys berýshi ornalasqan jerdegi memlekettik eńbek ınspektsııasynyń aýmaqtyq departamentine, sonyń ishinde eOtinish platformasy arqyly júginýge bolady.
Buǵan deıin, Aqtaýda dáriger patsıentine 3 mln teńge moraldyq ótemaqy tóleıtin boldy
