Mańǵystaýda eldi 650 mıllıon teńgege aldaǵan turǵyn ustaldy

AQTAÝ. KAZINFORM - Aqtaýda 33 jastaǵy qala turǵynyn ІІB krımınaldyq polıtsııa bóliminiń qyzmetkerleri qamaýǵa aldy.

Jedel izdestirý sharalarynyń nátıjesinde qolǵa túsken kúdikti qalanyń 17 shaǵynaýdanda salynyp jatqan kópqabatty turǵyn úı keshenderiniń birindegi páterlerdi zańsyz satýmen aınalysqany anyqtalyp otyr.

"Kúdikti 650 mln teńgeni alaıaqtyq jolmen jymqyrǵan. Qazir sotqa deıingi tergeý amaldary júrgizilip, ustalǵan azamat ýaqytsha ustaý ızolıatoryna qamaldy. Basqa málimetter tergeý múddesi úshin jarııalanbaıdy", - dedi oblystyq polıtsııa departamentiniń baspasóz qyzmetindegiler.