Mańǵystaýda ekologııalyq talaptardy buzǵan kompanııaǵa 474 mln teńge aıyppul salyndy
ASTANA. KAZINFORM — Mańǵystaýda burǵylaý jumystary kezinde ekologııalyq zań buzý anyqtaldy.
Mańǵystaý oblysynyń tabıǵat qorǵaý prokýratýrasy ekologııalyq zańnamanyń eleýli buzýdy anyqtady.
Atap aıtqanda, «Buzachi Operating Ltd» kompanııasynyń fılıaly burǵylaý jumystaryn júrgizý barysynda qaýipti qaldyqtardy jınaqtaý lımıtin aıtarlyqtaı arttyrǵan (burǵylaý qaldyqtarynyń kólemi 513,2 tonnaǵa artyq bolǵan).
Prokýratýra aktisiniń negizinde atalǵan kompanııa Ákimshilik quqyq buzýshylyq týraly kodekstiń 328-babynyń 6-bóligimen ákimshilik jaýaptylyqqa tartylyp, 474 mln teńge kóleminde aıyppul salyndy.
Aıta ketelik Almatyda aýany lastaǵan avtoparkter 13 mln teńge aıyppul tólegen edi.
