Mańǵystaýda dombyrashylar ansambli halyqaralyq festıvaldiń bas júldesin ıelendi
AQTAÝ. KAZINFORM – Beıneý aýdany Sarǵa aýylyndaǵy orta mekteptiń «Dombyra-Dastan» dombyrashylar ansambli Almaty qalasynda ótken «Jaz dáýren» halyqaralyq festıvaliniń bas júldesin (Gran prı) jeńip aldy.
Dombyrashylar ansambli buǵan deıin Aqtaý qalasynda búldirshinder, mektep oqýshylary men jasóspirimder arasynda uıymdastyrylǵan «Mańǵystaý talanttary» oblystyq baıqaýynda júldeli 1-oryn ıelenip, respýblıkalyq dodaǵa joldama alǵan bolatyn. Ónerpazdar endi Astana qalasynda ótetin sýperfınalda baq synaıdy.
Ansambl quramynda Sultan Aqmármár, Kárim Baǵlan, Qaraman Aıdos, Sultan Arystan, Sáýirǵalı Jankeldi jáne Sultan Qyrymbek óner kórsetti. Al, ónerpazdarǵa Gúlbaný Amanbaeva jetekshilik etti.
Eske sala keteıik, buǵan deıin Mańǵystaýda afroamerıkalyq búldirshin memlekettik rámizdermen tanysqanyn jazǵan edik.
