Mańǵystaýda daladan jańa týǵan sábı tabyldy

AQTAÝ. KAZINFORM — Shaqalaq Munaıly aýdany Besshoqy aýylyndaǵy turǵyn úılerdiń terezesiniń aldynan tabylǵan.

Balany tańerteń ýaqytta saǵat 09:30 shamasynda turǵyndardyń biri baıqaǵan. 

Mańǵystaý oblystyq polıtsııa departamenti atalǵan derekti rastap, balanyń anasy izdestirilip jatqanyn habarlady. 

— Osy oqıǵa boıynsha qylmystyq is qozǵaldy. Anasy izdestirilip jatyr. Sábı perzenthanada jatyr, — delingen polıtsııa taratqan habarlamada. 

Buǵan deıin Qaraǵandy oblysynda poıyzda bosanǵan áıel balasyn terezeden laqtyryp jibergeni anyqtaldy.

Sonymen qatar Almatyda jańa týǵan sábıin tastap ketken áıel ustalǵany belgili boldy.