Mańǵystaýda burǵylaý qondyrǵysy qulap ketti

AQTAÝ. KAZINFORM — Áleýmettik jelide aımaqtaǵy ken oryndarynyń birinde burǵylaý qondyrǵysy qulaǵan beınejazba tarady. Soǵan baılanysty Mańǵystaý oblystyq tótenshe jaǵdaılar departamenti túsinikteme berdi. 

— Bul oqıǵa 9 shilde kúni saǵat 12:47 shamasynda «Teńge» ken ornynda № 553 uńǵymada «Petro Munaı-Gazservıs» JShS merdigerlik kompanııasy jerge burǵylaý munarasyn kóldeneń qalypqa salýdy júrgizgen kezde (burǵylaý munarasynyń ekinshi jáne joǵarǵy úshinshi sektsııalary arasynda búkteme) bolǵan. Zardap shekkender joq. Bolǵan jáıt ıntsıdent retinde jikteledi jáne «Azamattyq qorǵaý týraly» zańǵa sáıkes, qaýipti óndiristik obektini paıdalanatyn uıymnyń komıssııasy tergeý júrgizedi, — delingen habarlamada.

Buǵan deıin, Mańǵystaýda 10 jastaǵy qyzdy qoǵamdyq kólik qaǵyp, qaza tapqany týraly jazǵan bolatynbyz