Mańǵystaýda apta ishinde jıyrmadan astam órt oqıǵasy tirkeldi
AQTAÝ. KAZINFORM - Mańǵystaýda 29 qańtar men 4 aqpan aralyǵynda oblystyq TJD Órt sóndirý jáne apattyq-qutqarý jumystary qyzmetiniń bólimsheleri dabyl boıynsha 24 oqıǵaǵa qatysty.
Óńirdiń TJD Órt sóndirý jáne apattyq-qutqarý jumystary qyzmetiniń qoǵammen baılanys tobynyń málimetinshe, bir apta ishinde 6 órt, 8 janý jaǵdaılary, 10 ret qutqarý jumystary tirkelgen.
04.02.2024 j. kúni Jańaózen qalasynda óndiristiń aımaqtaǵy «QazMunaıGaz» AQ-na qarasty №93 toptyq qondyrǵynyń №4774 uńǵymasynda shuńqyr ishindegi munaı qaldyqtarynyń órtenýi tirkeldi. Oqys jaǵdaıdan zardap shekkender joq.
04.02.2024 j. kúni keshki ýaqytta Beıneý aýdanynyń ortalyǵynda M.Mámetova kóshesindegi úı aýlasyndaǵy 2 bólmeli saraıdan órt shyqty. Jalyn jalpy aýdany 40 sh/m sharpyp, sonyń saldarynan saraıǵa japsarlana salynǵan kórshi úıdiń garajynyń shatyry jartylaı janyp ketti. Janǵan aýmaq 16 sh/m qamtyp, zardap shekkender tirkelmedi.
04.02.2024 j., keshke Qaraqııa aýdanynyń Jetibaı aýylynda Jańaqurylys kóshesinde 9 bólmeli úıdiń bir bólmesin otqa orandy. 6 sh/m aýmaq janyp, jalpy aýdany 252 sh/m-ge taraldy. Órtten zardap shekkender joq.
Osy oraıda Órt sóndirýshiler qarapaıym qaýipsizdik sharalaryn saqtaýdy eskertip otyr.
- sóndirilmegen temekiler men sirińkelerdi qaldyrmaýǵa;
- elektr symdary men aspaptarynyń jaramdylyǵyn qadaǵalaý;
- elektr jelilerin shamadan tys júktemeý;
- tek jaramdy elektr jáne gaz jabdyqtaryn paıdalaný;
- balalardy qaraýsyz qaldyrmaý.
