Mańǵystaýda blogerdi uryp-soqqan jigitke ákimshilik is qozǵaldy

Aqtaýda blogerge kúsh kórsetip, zorlyq-zombylyq jasaǵan er adam jaýapqa tartylady, dep habarlaıdy Kazinform.

Belgili bolǵandaı, ol qyz balaǵa shabýyl jasaǵan. Al zardap shekken blogerdiń jaǵdaıy ortasha aýyr dep baǵalanyp otyr. 

Bul týraly áleýmettik jelide blogerdiń ózi habarlady. Aıtýynsha, soqqydan keıin aýyr halde jatyr. 

«Men Dúısenova Nesibeli Maratqyzy oblystyq aýrýhananyń neırohırýrgııa bóliminde jatyrmyn. Jaǵdaıym ortasha aýyr. Óltirý maqsatynda maǵan qasaqana shabýyl jasaǵan azamatty qamaýǵa alyp, is qozǵaýyńyzdy talap etemin», - dep jazdy bloger áleýmettik jelidegi paraqshasynda.

Kúsh kórsetken kúdikti jábirleýshige tiri qalmaıtynyn eskertken.

Oqıǵa kezinde ol blogerdiń sózine qulaq aspastan uryp-soǵýdy jalǵastyrǵan. Sonymen birge, moınynan qylqyndyryp, basyna sekirgeni aıtylady.

Oblystyq polıtsııa departamenti arnaıy hattama toltyrylǵanyn rastady.

«Atalǵan derek boıynsha QR ÁQBtK 73-babymen 23 jastaǵy azamatqa ákimshilik hattama jasaldy. Sot-medıtsınalyq saraptama taǵaıyndaldy. Polıtsııa tergeý amaldaryn jalǵastyryp jatyr», — dedi Mańǵystaý oblysy polıtsııa departamentiniń baspasóz qyzmeti.