Mańǵystaýda bilim berý salasynda sybaılas qylmystyq topqa qatysty sot sheshimi shyqty
AQTAÝ. KAZINFORM – Aqtaý qalalyq sotynda jeke kásipkerge, bilim basqarmasynyń burynǵy basshysyna jáne qaladaǵy úsh mektep dırektoryna qatysty qylmystyq is qaraldy. Tergeý barysynda jeke kásipker laýazymdy tulǵalarǵa birneshe ret para bergeni (QK-niń 367 babynyń 3 bóliginiń 3 tarmaǵymen) anyqtaldy. Burynǵy bilim basqarmasynyń basshysy jáne úsh mektep dırektory para alǵany úshin (QK-niń 366 babynyń 2 bóligimen) aıyptalǵan.
Jeke kásipker oqýshylardy tamaqpen qamtamasyz etý úshin úsh mekteppen kelisim-shartqa otyrǵan sot anyqtaǵan. Kórsetilgen qyzmetterge kelisim-sharttarǵa kedergisiz qol qoıý, qarajatty tez aýdarý jáne jalpy qamqorlyq úshin ol birneshe ret laýazymdy adamdarǵa - sol kezdegi bilim basqarmasynyń basshysy (B.-ǵa 4 mln. teńge) jáne úsh mektep dırektory (S.-ǵa 800 myń teńge, N.-ǵa 2 mln teńge jáne E.-ge - 1 mln teńge) jeke kásipkerden aqshalaı qarajattaryn para retinde alǵan.
Sottalýshylardyń kinási kýágerlerdiń jaýaptarymen, saraptama qorytyndylarymen, qarap-tekserý hattamasymen jáne basqa da is-qujattarymen dáleldengen. Atalǵan mán-jaılarǵa shyn júrekten ókingeni sondaı-aq jeke kásipkerdiń kishkentaı balalarynyń bolýy jáne mektep dırektorlarynyń biriniń kishkentaı balalarynyń bar ekeni eskerilip, jaýapkershilik pen jaza jeńildetilgen. Buǵan qosa jazany aýyrlatatyn mán-jaılar anyqtalmaǵan.
Qylmystyq kodekstiń 366 babynyń 2 bóliginde paranyń 50-den 60-qa deıin eselengen mólsherinde aıyppul salý nemese 3 jyldan 7 jylǵa deıingi merzimge bas bostandyǵynan aıyrý jazasy kózdelgen. Qylmystyq Kodekstiń 367 babynyń 3 bóliginiń 3 tarmaǵynda paranyń 40-tan 50-ge deıin eselengen mólsherinde aıyppul salý nemese 7 jyldan 12 jylǵa deıin bas bostandyǵynan aıyrý jaza kózdelgen.
Sottyń sheshimimen B. men N.-ge QK-niń 366 babynyń 2 bóligimen – 5 jylǵa bas bostandyǵynan aıyrý jazasy taǵaıyndaldy. S.-ǵa QK-niń 366 babynyń 2 bóligimen - 4,5 jylǵa bas bostandyǵynan aıyrý jazasy taǵaıyndaldy. E. QK-niń 366 babynyń 2 bóligimen kináli dep tanylyp, QK-niń 55 babynyń 2 tarmaǵyna sáıkes, - 40 mıllıon teńge (paranyń 40 eselengen) mólsherinde aıyppul salý. Jeke kásipker Sh. QK-niń 367 babynyń 3 bóliginiń 3 tarmaǵymen - 7 jylǵa bas bostandyǵynan aıyrý jazasy taǵaıyndaldy.
Sottalǵandar memlekettik qyzmette laýazymdardy atqarý quqyǵynan ómir boıyna aıyrylady.
Úkim zańdy kúshine engen joq.
