Mańǵystaýda bıyl eńbek daýyna qatysty 6 ereýil ǵana bolǵan

Mańǵystaý oblysynda ereýilder 87,2% tómendegen. Byltyr 47 eńbek daýy bolsa, bıyl altaýy tirkelgen, dep habarlaıdy Kazinform.

Prokýratýra osy jyly eńbek qatynastary boıynsha 5 tekserý men 21 taldaý júrgizgen.

Bes myńnan astam jumyskerdiń quqyǵy qorǵalyp, 245 mln teńge óndirilgen.

Onyń ishinde jalaqy bereshegi 128 mln teńgege jetken. 

— Prokýratýra eńbek qatynastary salasyndaǵy zańdylyqtyń jaı-kúıin, onyń ishinde janjal áleýeti áserine turaqty taldaý júrgizedi. Ózara is-qımyldy kúsheıtý maqsatynda bıyl prokýratýra, ákimdik, «QazMunaıGaz» kompanııasy jáne kásipodaq ortalyǵy arasynda memorandým jasaldy. Bizdiń bastamamyzben «QazMunaıGaz» kompanııasynyń enshiles uıymdarynda 100-den astam uzaqmerzimdi kelisimshart jasaldy. Bizdiń óńirdiń ereksheligin eskere otyryp, jumyskerlerdiń quqyǵyn qorǵaý jáne áleýmettik turaqtylyqty qamtamasyz etý máselesi prokýratýra organdarynyń turaqty baqylaýynda, — dedi Mańǵystaý oblystyq prokýratýrasynyń bólim basshysy Qojamuhamed Aǵıshanov.