Mańǵystaýda betin tumshalaǵan 50 shaqty adamǵa eskertý jasaldy
AQTAÝ. KAZINFORM — Mańǵystaýlyq polıtseıler turǵyndarǵa bet-álpetti jabýǵa tyıym salatyn zań talaptaryn túsindirip jatyr. Shara barysynda shamamen 50 adamǵa eskertý jasalǵan.
— Ázirshe eskertý berilip jatyr. Sodan keıin 10 AEK, ıaǵnı, 39320 teńge kóleminde aıyppul salynady, — delingen habarlamada.
Mańǵystaý oblysy Polıtsııa departamentiniń ekstremızmge qarsy is-qımyl basqarmasy men qoǵamdyq qaýipsizdik basqarmasynyń qyzmetkerleri birlesip, halyq kóp shoǵyrlanatyn oryndardy aralap, turǵyndarǵa zań talaptaryn egjeı-tegjeıli túsindirip júr. Olar azamattarǵa qoǵamdyq oryndarda bet-júzdi tanýǵa kedergi keltiretin kıimderdi kııýge bolmaıtynyn aıtyp, aqparat berdi.
Atalǵan shekteýler quqyqbuzýshylyqtardyń aldyn alýǵa, qoǵamdyq tártipti saqtap, qaýipsizdikti kúsheıtýge arnalǵan.
Buǵan deıin, Atyraýda bet-júzin búrkemelegen 11 adam jaýapqa tartylǵan bolatyn.
