Mańǵystaýda bes memlekettiń áskerı kontıngentteri jaýyngerlik ázirliktiń joǵary deńgeıine keltirildi
AQTAÝ. KAZINFORM — Mańǵystaý oblysynda Qazaqstan, Ázerbaıjan, Qyrǵyzstan, Tájikstan jáne Ózbekstan áskerı qyzmetshileriniń qatysýymen "Birlestik-2024" halyqaralyq jedel-taktıkalyq komandalyq-shtabtyq oqý-jattyǵýynyń negizgi kezeńi ótip jatyr.
«Batys» óńirlik qolbasshylyǵy áskerleriniń qolbasshysy general-maıor Baýyrjan Artyqov oqý-jattyǵýdyń áskerı basqarý organdaryna QR Qarýly kúshteri Bas shtabynyń jedel dırektıvasyn tapsyra otyryp, jaýyngerlik ókimniń mazmunyn jetkizdi.
Jaýyngerlik jumystar barysynda komandırdiń shartty qarsylastyń kózin joıý týraly sheshimi qabyldandy.
Basqarý pýnktiniń ofıtserleri josparlaýdy aıaqtady. Áskerlerge praktıkalyq kómek kórsetip, olardyń qoıylǵan jaýyngerlik tapsyrmany oryndaýǵa daıyndyǵyn baqylaý boıynsha jumys júrgizildi. «Batys» óńirlik qolbasshylyǵy áskerleriniń shtaby jattyǵýǵa qatysýshy memleketterdiń áskerı kontıngentterimen birlesip, tapsyrmalardy oryndaýǵa kirisip ketti.
