Mańǵystaýda Beket ataǵa zııarat etýge ketip, iz-túzsiz joǵalǵan azamttar tabyldy
ASTANA. KAZINFORM — Mańǵystaý oblysynda iz-túzsiz joǵalǵan úsh azamat aman-esen tabyldy. Bul týraly Polisia.kz jazdy.
Keń aýqymdy izdestirý jumystarynyń nátıjesinde Mańǵystaý oblysy polıtsııasynyń qyzmetkerleri Buqaralyq aqparat quraldary men áleýmettik jelilerde habarlanǵan, Beket ata jerasty meshitine barǵannan keıin habar-osharsyz ketken úsh azamatty aman-esen tapty.
— Azamattar mingen avtokólik Qydyrsha ata aýmaǵynan shamamen 35 shaqyrym qashyqtyqtaǵy jetýi qıyn jerde anyqtaldy. Aldyn ala málimet boıynsha, kólik batpaqty jerge batyp qalyp, osynyń saldarynan olar ári qaraı qozǵala almaı, baılanysqa shyǵa almaǵan. Іzdestirý barysynda joǵalǵan azamattardy alǵash bolyp Beıneý aýdandyq polıtsııa bóliminiń ýchaskelik polıtsııa ınspektory, polıtsııa kapıtany Nurjigit Bazarbaev jáne Beıneý aýdandyq polıtsııa bóliminiń ákimshilik polıtsııa bólimshesiniń aǵa ınspektory Baýyrjan Nurmuhanbetov anyqtady, — delingen habarlamada.
Qazirgi ýaqytta azamattar medıtsınalyq tekserýden ótkizý úshin Aqjigit aýylyna jetkizilgen. Olardyń densaýlyq jaǵdaıyn dárigerler tekseredi.
Polıtsııa izdestirý jumystaryna qatysqan barlyq qyzmetterge alǵys bildiredi. Polıtsııa qyzmetkerleriniń, tótenshe jaǵdaılar bólimsheleriniń jáne jumyldyrylǵan ózge de qyzmetterdiń úılesimdi ári jedel áreketteriniń arqasynda izdestirý jumystary sátti aıaqtaldy.
Aıta keteıik, buǵan deıin Almaty oblysynda joǵalǵan úsh balyqshy aman-esen tabylǵan edi.
