Mańǵystaýda basqarma basshysyna qatysty is qozǵaldy
ASTANA. KAZINFORM — Mańǵystaýda basqarma basshysy prokýrordyń talaptaryn oryndamaǵany úshin ákimshilik jaýaptylyqqa tartyldy.
Prokýratýramen mıkroqarjy uıymdarynyń qyzmetinde zańdylyqtyń jaı-kúıin taldaý sheńberinde QR Qarjy naryǵyn retteý jáne damytý agenttiginiń Aqtaý qalasyndaǵy óńirlik ókilder basqarmasyna qajetti málimetterdi usyný týraly resmı túrde talap jiberildi.
— «Prokýratýra týraly» Konstıtýtsııalyq zańmen belgilengen merzimderge qaramastan, Óńirlik ókilder basqarmasymen prokýratýranyń talaby oryndalmaı, belgilengen merzimde aqparat usynylmady. Saldarynan basqarma basshysyna qatysty ÁQBtK 665-babynyń 2-bóligi boıynsha ákimshilik is qozǵaldy. Sot laýazymdy tulǵany quqyq buzýshylyq úshin kináli dep tanyp, 50 AEK kóleminde aıyppul saldy, — delingen habarlamada.
Prokýratýra, prokýrordyń talaptary men suraý salýlary jeke jáne zańdy tulǵalardyń, onyń ishinde memlekettik organdardyń, mekemelerdiń, menshik nysandaryna qaramastan uıymdardyń, olardyń laýazymdy adamdarynyń oryndaýy úshin mindetti ekenin atap ótedi.
Budan buryn Prokýratýra tekserisinen keıin Aqsýda páter jaldaý aqysy arzandaǵanyn jazdyq.