Mańǵystaýda balyqtan ýlanǵan tórt adam áli jansaqtaý bóliminde jatyr
AQTAÝ. KAZINFORM — Mańǵystaý oblysynyń Munaıly aýdanynda balyqtan ýlanǵan tórt adam jansaqtaý bóliminde em alyp jatyr. Olardyń úsheýi — eresek adam, bireýi — 9 jastaǵy bala.
Mańǵystaý oblystyq densaýlyq saqtaý basqarmasynyń málimetinshe, qazir úsh er adam men 10 jastaǵy bala dárigerlerdiń baqylaýynda. Barlyǵy jansaqtaý bóliminde em qabyldap jatyr.
Eske sala keteıik, 17 qyrkúıekte saǵat 20:00–21:00 aralyǵynda Munaıly aýdanynda bir otbasynyń tórt týysy otbasylyq jıynda balyq jegen. Kelesi kúni keshke olardan botýlızmge tán alǵashqy belgiler baıqalǵan.
19 qyrkúıekte olar Munaıly aýdandyq aýrýhanasyna medıtsınalyq kómekke júginip, keıin oblystyq aýrýhanaǵa aýystyrylǵan.
Al medıtsınalyq kómekke keıinirek júgingen 5 jastaǵy bala emin aıaqtap, úıine shyǵaryldy.
Buǵan deıin, Aqtaýda balyqtan ýlanyp, aýrýhanaǵa túsken 9 jastaǵy balanyń týystary kómek suraǵan edi.
