Mańǵystaýda balabaqsha dırektory men esepshisi sottaldy

AQTAÝ. KAZINFORM - Olar ata-analardyń tólegen qarajatyn ózderiniń jeke shottaryna zańsyz aýdaryp, memleketke 12 mıllıon teńgeden astam shyǵyn keltirgen.

Beıneý aýdanynyń prokýratýrasy tekseris barysynda «Kýıken» balabaqshasynda qarjy salasynda zań buzýshylyqtardy anyqtady.

Mekeme dırektory men esepshisi ata-analar tólegen qarajatty ózderiniń jeke shottaryna zańsyz aýdaryp kelgen. 

Atalǵan fakti boıynsha prokýrorlar QR Qylmystyq kodeksiniń 189-babynyń 3-bóligi boıynsha sotqa deıingi tergep-tekserý júrgizgen.

- Sot úkimimen dırektor kináli dep tanylyp, oǵan zańsyz ıemdengen qarajat sommasynyń 10 eselengen mólsherinde aıyppul salyndy.

Al, esepshi 3,5 jylǵa bas bostandyǵyn shekteý jazasyna tartyldy. Memleketke keltirilgen zalal tolyq kólemde óteldi, - delingen habarlamada.

Aıta keteıik, Mańǵystaý oblysynda 75 jetim bala turǵyn úı kezegine qoıylmaǵan.