Mańǵystaýda balabaqsha dırektory 3 jylǵa bas bostandyǵynan aıyryldy

AQTAÝ. KAZINFORM – Mańǵystaý aýdanynyń prokýratýrasy Mańǵystaý aýdanyndaǵy jekemenshik balabaqshalardyń birinde, dırektordyń is júzinde balabaqshaǵa barmaǵan balalar úshin memlekettik bıýdjetten 6,6 mıllıon teńge zańsyz alǵanyn anyqtady. 

Atalǵan oqıǵaǵa qatysty QR Qylmystyq Kodekstiń 190-baby, 3-bóligi boıynsha qylmystyq is tirkelip, tergep-tekserý qorytyndysymen sotqa joldanǵan. 

- Balabaqsha dırektoryna qatysty úkim shyqty. Ol mektepke deıingi oqytý men bala tárbıeleýdi uıymdastyrý salasynda qyzmetpen aınalysý quqyǵynan 2 jylǵa aıyryldy. Sonymen qatar oǵan 3 jyl merzimge bas bostandyǵyn shekteý jazasy taǵaıyndyldy. Sot úkimi zańdy kúshine endi, - delingen habarlamada.

Budan bólek, Mańǵystaý aýdanyndaǵy balabaqshalardy tekserý barysynda kóptegen zań buzýshylyq anyqtalǵan. Mektepke deıingi mekemelerde sanıtarlyq norma, órt qaýipsizdigi, eńbek zańnamasy, sondaı-aq bilim berý jáne medıtsınalyq qyzmet salalarynda buzýshylyqtar tabyldy. Barlyǵy 111 ákimshilik is qozǵalyp, jalpy somasy 19 mıllıon teńgeden astam aıyppul salyndy. 

Buǵan deıin, Mańǵystaýdaǵy Qyzylsaı aýylynda balabaqshada balalar jappaı astan ýlanǵany týraly jazǵan bolatynbyz.