Mańǵystaýda aıaq-qolynyń aqaýy bar 15 balaǵa reseılik dárigerler ota jasady
AQTAÝ. KAZINFORM - Aqtaýǵa Sankt-Peterbýrg qalasynyń balalar travmatolog-ortoped dárigeri, professor Igor Shvedchenko jáne balalar dárigeri travmatolog-ortoped Andreı Koltsov keldi.
Reseılik dárigerler óńirdiń ortoped-hırýrgtartarymen birge aıaq-qoldarynyń ártúrli damý aqaýlary bar, onyń ishinde artrogrıpoz, týabitti paıda bolǵan aýrýlar, saýsaqtarynyń týabitken kemistigi, saýsaqtary bir-birine jabysyp týǵan nemese saýsaqtary alshaq bolyp týǵan balalarǵa, qoldarynyń qısyq bitýi, tize-býyn, aıaq basynyń qısaıýy syrqaty bar búldirshinderge kómek kórsetip jatyr.
Sonymen qatar, balalarda «qol men aıaqtyń týa bitken aqaýy» bolǵan kezde operatsııalyq emdeý ádisteri» boıynsha mańǵystaýlyq dárigerlerdiń bilimin jetildirip, tájirıbelerin arttyrý maqsatynda sheberlik sabaqtaryn ótkizýde, Oǵan Mańǵystaý óńiri ǵana emes, ózge de oblystardan osy salanyń dáriger-hırýrgtary qatysýda.
- Osyndaı sheberlik sabaǵynyń árqaısysy jergilikti dárigerlerdiń kásibı deńgeıin kóterýdi kózdeıdi. Mundaı múmkindikti usynǵan “BI Juldyzaı” qaıyrymdylyq qoryna kóp-kóp rahmet aıtamyz. Ǵalymdardyń tájirıbesi, olardyń ashqan jańalyqtary, operatsııanyń jańa ádisteri bizge únemi qajet», - dedi Mańǵystaý oblystyq kópbeıindi balalar aýrýhanasynyń hırýrg-travmatolog dárigeri Qurman Qaıranov.
Aıta keteıik, reseılik dárigerler Aqtaýǵa kórshi óńirlerden kelgen naýqas balalarǵa da ota jasap jatyr.