Mańǵystaýda avtojoldy tıisti deńgeıde kútip-ustamaǵan merdiger jaýapkershilikke tartyldy

AQTAÝ. KAZINFORM — Oblysta «Jetibaı — Qaramandybas — Jańaózen» avtojolyna tekserý júrgizilgen. Tekserý barysynda birqatar kemshilikter anyqtalyp, joldy kútip-ustaýǵa jaýapty merdiger uıymǵa olardy joıý jóninde jazbasha nusqamalar berilgen. Alaıda, merdiger kompanııa olardy oryndamaǵan.

— Merdiger uıym belgilengen merzimde berilgen nusqamalardy oryndamaǵan jáne atqarylǵan jumystar týraly tıisti jaýap joldamaǵan. Osyǵan baılanysty uıymǵa qatysty QR Ákimshilik Qylmystyq Kodekstiń 462-babynyń 3-bóligi boıynsha (memlekettik ınspektsııalar men memlekettik baqylaý jáne qadaǵalaý organdarynyń laýazymdy tulǵalaryna qyzmettik mindetterin oryndaýǵa kedergi keltirý, qaýlylardy, nusqamalardy jáne ózge de talaptardy oryndamaý) ákimshilik hattama toltyryldy, — delingen polıtsııa departamentiniń habarlamasynda.

2026 jylǵy 14 qańtardaǵy sot qaýlysymen merdiger uıymǵa 500 AEK mólsherinde (2 162 500 teńge) ákimshilik aıyppul salyndy.

Buǵan deıin, Aqtaýda boryshkerlerden 280 mıllıon teńge óndirilgen bolatyn.