Mańǵystaýda avtotsısterna aýdarylyp, jerge munaı tógildi
AQTAÝ. KAZINFORM — Jol kólik oqıǵasy 29 qyrkúıek kúni kúndiz Aqtaý — Jańaózen tas jolynyń 23-shaqyrymynda bolǵan. Munaı ónimderin tasymaldaıtyn júk kóligi aýdarylyp, jerge munaı tógilgen.
Mańǵystaý oblystyq ekologııa departamentiniń habarlaýynsha, oqıǵa ornyna mamandar baryp, qorshaǵan orta jaǵdaıyn baǵalaý jáne múmkin zalaldy anyqtaý úshin, synamalar alǵan.
— 29 qyrkúıek kúni saǵat 15:50 Aqtaý-Jańaózen tas joly boıynda, 23-shaqyrymynda 720 AI/12 memlekettik nómirli munaı tasymaldaýshy kólik aýdarylyp qaldy. Oqıǵa ornynda munaı ónimderi tógilgendigi anyqtaldy. Mańǵystaý oblystyq Ekologııa departamenti mamandary topyraqtan synama alý jumystaryn júrgizdi. Qabyldanǵan sharalar aldaǵy ýaqytty qosymsha habarlanady, — delingen habarlamada.
Al, oblystyq polıtsııa departamenti baspasóz qyzmetiniń málimetinshe, júk kóliginiń aldyńǵy dóńgelegi jarylyp, qaptalǵa aýdarylǵan. Zardap shekkender joq.
Buǵan deıin, «KamAZ» kóligimen soqtyǵysqan: Aqmola oblysynda jol apatynan 16 jastaǵy qyz kóz jumǵan bolatyn.