Mańǵystaýda aýyr júk kólikterine respýblıkalyq joldarda júrýge shekteý qoıyldy
AQTAÝ. KAZINFORM – Aımaqta 1 maýsymnan bastap aýyr júk kólikteriniń qozǵalysyna ýaqytsha shekteý engizildi. Endi salmaǵy 8 tonnadan asatyn kólikter respýblıkalyq mańyzdaǵy avtojoldarda júrmeıdi. Shekteý 31 tamyzǵa deıin jalǵasady.
Mamandardyń aıtýynsha, kún qatty ysyǵan kezde asfalttiń beti erıdi. Sondyqtan júk kólikterdiń salmaǵynan kótere almaıdy.
«Mańǵystaý oblysynyń respýblıkalyq mańyzy bar tas joldarynda osy jyldyń 1 maýsymynan 31 tamyzy aralyǵynda júktemesi 8 tonnadan asatyn júk kólikterge júrýge tyıym salyndy. Aýa temperatýrasy 25 gradýstan asqan jaǵdaıda, saǵat 10:00 - 22:00 aralyǵynda júrýge bolmaıdy. Sebebi kún ysyǵan kezde joldyń jabyny erip, balqıdy. Al júk kólikteri júrgen kezde jol boıynda tolqyndar paıda bolady. Sondyqtan ýaqytsha shekteýler engizilip otyr», - deıdi joldyń sapasyna jaýapty mekeme ókili Erlan Bııalıev.
