Mańǵystaýda aýa temperatýrasy +47 gradýsqa deıin kóteriledi - Qazgıdromet
ASTANA. KAZINFORM – «Qazgıdromet» RMK 25-27 shilde jáne odan keıingi kúnderge arnalǵan daýyldy eskertý jarııalady. Eń ystyq aýa raıy Mańǵystaý oblysynda kútiledi. 26-27 shildede óńirde aýa temperatýrasy +43...+47 gradýsqa deıin kóterilýi múmkin.
Sınoptıkterdiń boljamynsha, aldaǵy kúnderi elimizdiń birqatar óńirinde qaýipti aýa raıy qubylystary kútiledi.
Abaı oblysynda 25 shildede jańbyr, naızaǵaı, keı jerlerde nóser, burshaq, daýyl, tuman jáne sekýndyna 23 metrge deıin jetetin jel boljanady. Óńirdiń birqatar aýdanynda tótenshe órt qaýpi saqtalady.
Aqmola oblysynda 25 shildede jańbyr, naızaǵaı, burshaq, daýyl, tuman jáne ekpini sekýndyna 20 metrge deıin jetetin jel kútiledi. Oblystyń ońtústik-batysynda tótenshe, batysynda joǵary órt qaýpi saqtalady. 27 shilde men 1 tamyz aralyǵynda aptap ystyq bolyp, órt qaýpi joǵary deńgeıde bolady.
Aqtóbe oblysynda 25-27 shildede aýa temperatýrasy +35...+39 gradýsqa deıin kóteriledi. 25 shildede oblystyń ońtústik-batysynda +41...+42 gradýsqa deıingi qatty ystyq kútiledi. 26-27 shildede keı jerlerde +40...+43 gradýs bolady. 26-31 shilde aralyǵynda aptap ystyq saqtalyp, órt qaýpi joǵarylaıdy.
Almaty oblysynda 25 shildede taýly aýdandarda ótkinshi jańbyr men naızaǵaı boljanady. Jel ekpini sekýndyna 20 metrge deıin jetedi. Kúndiz aýa temperatýrasy +35 gradýsqa deıin kóteriledi. Joǵary jáne tótenshe órt qaýpi saqtalady.
Atyraý oblysynda 25-27 shildede +40...+43 gradýsqa deıingi aptap ystyq kútiledi. Keı jerlerde aýa temperatýrasy +35...+39 gradýs bolady. Jel ekpini sekýndyna 18 metrge deıin kúsheıip, tótenshe órt qaýpi saqtalady.
Shyǵys Qazaqstan oblysynda 25 shildede nóser jańbyr, naızaǵaı, burshaq, daýyl, tuman jáne ekpindi jel kútiledi. Taýly aýdandarda óte qatty jańbyr jaýady. Órt qaýpi joǵary deńgeıde saqtalady.
Jambyl oblysynda 25 shildede keı jerlerde ótkinshi jańbyr, naızaǵaı, burshaq jáne ekpindi jel bolady. Tótenshe órt qaýpi saqtalady.
Jetisý oblysynda 25 shildede oblystyń shyǵysy men taýly aımaqtarynda ótkinshi jańbyr men naızaǵaı kútiledi. Jel ekpini sekýndyna 20 metrge deıin jetedi. Óńirdiń basym bóliginde tótenshe órt qaýpi saqtalady.
Batys Qazaqstan oblysynda 25 shildede keı jerlerde aýa temperatýrasy +41...+42 gradýsqa deıin kóteriledi. 26-27 shildede +40...+43 gradýs ystyq bolady. Naızaǵaı, burshaq, daýyl jáne ekpindi jel bolýy múmkin. Órt qaýpi joǵary deńgeıde saqtalady.
Qaraǵandy oblysynda 25 shildede jańbyr, naızaǵaı, keı jerde burshaq jaýady. Jel kúsheıedi. Joǵary jáne tótenshe órt qaýpi saqtalady.
Qostanaı oblysynda 25-26 shildede +35...+38 gradýs ystyq bolady. 27 shildede oblystyń ońtústiginde aýa temperatýrasy +41 gradýsqa deıin kóteriledi. 26-31 shilde aralyǵynda aptap ystyq pen joǵary órt qaýpi saqtalady.
Qyzylorda oblysynda 25 shildede keı jerlerde shańdy daýyl soǵady. Jel ekpini sekýndyna 20 metrge deıin jetedi. Tótenshe órt qaýpi saqtalady. 26 shilde men 2 tamyz aralyǵynda aptap ystyq jalǵasady.
Mańǵystaý oblysynda 25 shilde men 1 tamyz aralyǵynda qatty jáne óte qatty ystyq bolady. 26-27 shildede aýa temperatýrasy +43...+47 gradýsqa deıin kóteriledi. Shańdy daýyl soǵyp, jel kúsheıedi. Órt qaýpi óte joǵary deńgeıde saqtalady.
Pavlodar oblysynda 25 shildede jańbyr, naızaǵaı, burshaq jáne ekpindi jel kútiledi. Oblystyń shyǵysynda tótenshe órt qaýpi saqtalady.
Soltústik Qazaqstan oblysynda 25 shildege qaraǵan túni jáne tańerteń tuman túsedi. Kúndiz jeldiń ekpini sekýndyna 20 metrge deıin jetedi. Órt qaýpi joǵary deńgeıde saqtalady. 27 shilde men 1 tamyz aralyǵynda aptap ystyq kúsheıedi.
Túrkistan oblysynda 25 shildede taýly aýdandarda ótkinshi jańbyr, naızaǵaı, daýyl jáne ekpindi jel kútiledi. Tótenshe órt qaýpi saqtalady. 26 shilde men 2 tamyz aralyǵynda qatty ystyq bolady.
Ulytaý oblysynda 25-27 shildede aýa temperatýrasy +35...+39 gradýsqa deıin kóteriledi. 26-31 shilde aralyǵynda aptap ystyq saqtalady. Óńirdiń basym bóliginde joǵary jáne tótenshe órt qaýpi jarııalanǵan.
Astanada 25 shildede ótkinshi jańbyr, naızaǵaı, kúndiz burshaq jaýýy múmkin. Jeldiń ekpini sekýndyna 20 metrge deıin jetedi.
Almatyda 25 shildede ótkinshi jańbyr men naızaǵaı kútiledi. Qala mańynda tótenshe órt qaýpi saqtalady.
Shymkentte 25 shildede soltústik-shyǵystan soqqan jeldiń ekpini sekýndyna 15-20 metrge deıin kúsheıedi.
«Qazgıdromettiń» málimetinshe, elimizdiń basym bóliginde qatty ystyqqa baılanysty tabıǵı órt shyǵý qaýpi joǵary bolady.
Mamandar turǵyndarǵa órt qaýipsizdigi erejelerin qatań saqtaýǵa, kúnniń aptap ýaqytynda dalada uzaq júrmeýge jáne daýyldy eskertýlerdi jiti baqylaýǵa keńes beredi.
Osyǵan deıin Qazaqstanda aptap ystyqtyń júkti áıelderge áseri zertteletini týraly jazdyq.
