Mańǵystaýda Atyraý oblysyndaǵy sý tasqynynan keıin jedel jeli qosyldy

AQTAÝ. KAZINFORM – Beıneý aýdanynda irgeles kórshi oblysqa qarasty Qulsary qalasyndaǵy sý tasqynynan keıin jedel iske qosylǵany habarlandy.

Aýdan ákimdiginiń málimetinshe, táýlik boıy Call center turaqty jumys isteıdi. Turǵyndarǵa tótenshe másele boıynsha 87078150190, 87021200603, 87292 2-20-41 nómirimen baılanysýǵa bolady.

Búgin Atyraý oblysyndaǵy Qulsary qalasyna tasqyn sý jetip, turǵyndar qaýipsiz aımaqqa kóshirile bastaǵany aıtyldy. Sondaı-aq, Qulsary magıstraldy kabeline zaqym kelgen jaǵdaıda Mańǵystaýda baılanys úzilýi múmkin degen derekti Mańǵystaý oblystyq «Qazaqtelekom» AQ fılıalynyń dırektory Darhan Husynov joqqa shyǵardy.

«Mańǵystaý oblysyna keletin magıstraldyq jeli jerasty kabelimen tartylǵan. Atyraý oblysyndaǵy sý basqan aımaqtarda magıstraldyq jeliniń zaqymdaný yqtımaldyǵy joq. Tıisti mamandar bul jeliniń jumysyn jiti baqylaýda ustap otyr. Sondyqtan joǵaryda kórsetilgen aqparat jalǵan. Baılanys jelilerinde aqaý bolǵan jaǵdaıda resmı aqparatpen jetkiziledi jáne ýaqytyly jóndeý qamtamasyz etiledi», - dedi Darhan Husynov.