Mańǵystaýda áskerı boryshyn ótep júrgen atyraýlyq sarbaz aýylyna bóget salýǵa keldi

ATYRAÝ. KAZINFORM – Mańǵystaýda áskerı boryshyn ótep júrgen atyraýlyq sarbaz aýylyn tasqyn sýdan qorǵaý úshin bóget salýǵa keldi. Qazir ol Jaıyq jaǵalaýyn bekitýge atsalysyp júr.

Mahambet aýdanyndaǵy Sarytoǵaı degen aýyl bar. Bul aýyl Jaıyq ózenine taıaý ornalasqan. Osy aýyldyń týmasy Estaı Jolamanov ásker qataryna shaqyrylyp, Mańǵystaý oblysyndaǵy №390 teńiz jaıaý áskerı brıgadasyna barǵan. Jaqynda ol áskerı bólimniń sarbazdarymen birge Atyraý oblysyndaǵy Sarytoǵaı aýylyn tasqyn sýdan qorǵaýǵa keldi.

«Eldi qorǵaý – ár azamattyń boryshy. Qıyndyq týyndaı qalsa, qol ushyn sozýǵa daıyn bolýǵa tıis. Elimizdiń birneshe óńiri tasqyn sýdan zardap shekti. Atyraý oblysyna Jaıyq ózeninen tasqyn sý qaýpi tónýi múmkin degendi estigende, kindik kesken, balalyq shaǵym ótken aýylymdy oılap qoıyp edim. Endi mine, týǵan aýylymdy qorǵaýǵa úlesimdi qosyp júrmin. Bul – meniń sarbaz retindegi mindetim ári perzenttik paryzym», - deıdi Estaı Jolamanov.

Eske sala ketelik, buǵan deıin Atyraýdyń Mahambet aýdanynda 16 balabaqshanyń jumysy onlaınǵa kóshirilgenin habarlaǵan edik.