Mańǵystaýda arqar atqan brakonerler ustaldy
Mańǵystaý oblysynda Qyzyl kitapqa engizilgen arqardy atqan brakonerler ustaldy, dep habarlaıdy Kazinform.
29 qarashada Qyzylsaı tabıǵı parki men «Jabaıushqan» memlekettik tabıǵı qaýmalynyń mamandary Bóribas jerinde kezekti reıd júrgizgen.
Іs-shara barysynda Nissan Patrol avtokóligimen Jańaózen qalasynyń turǵyndary ustalǵan.
- Tekserý barysynda avtokóliktiń júk salǵyshynan Qyzyl Kitapqa engen bir arqar tabyldy. Sondaı-aq 26 oǵymen 1 ańshy myltyǵy jáne 2 ańshy pyshaǵy tárkilendi, - dedi «Jabaıushqan» memlekettik tabıǵı qaýmalynyń basshysy Juldyzbek Esenǵalıev.
Atalǵan derek Mańǵystaý aýdandyq Polıtsııa bólimine habarlanyp, tirkelgen.
- Qazirgi ýaqytta QR Qylmystyq kodeksiniń 337-baby boıynsha tergeý júrgizilip jatyr, - dep málim etti Mańǵystaý aýdandyq polıtsııa bóliminen.
