Mańǵystaýda alıment tólemegen 43 ákege sot úkim shyǵardy

AQTAÝ. KAZINFORM – Ótken jyly Mańǵystaý oblysynda alıment tóleýden jaltarǵan 43 adamnyń isin qaralǵan.

Oblystyń sottyń habarlaýynsha, 2023 jyly kámeletke tolmaǵandardyń isteri jónindegi mamandandyrylǵan aýdanaralyq sotta 86 tulǵaǵa qatysty 71 qylmystyq iske núkte qoıylǵan. Sonymen qatar, sottalǵan tulǵalardyń sany 81 adamdy qurady. Bul 2022 jylmen salystyrǵan 30 adamǵa kóp bolyp otyr. Olardyń ishinde 27 is kámeletke tolmaǵandar arasynda qozǵalǵan (2022 jyly - 14 adam).

«Sottalǵan 81 adamnyń 31-i aýyr (2022 jyly 19 adam), 10-y aýyrlyǵy ortasha (2022 jyly 9), 40-y onsha aýyr emes (2022 jyly 23) qylmys jasaǵany úshin jaýapqa tartyldy. Salystyrmaly kezeńde isterdiń kóbeıgenin baıqaldy. Qaralǵan isterdiń basym kópshiligi QK-tiń 139-baby, ıaǵnı, alıment tóleý jónindegi mindetterdi oryndamaý boıynsha qaralǵan. Bul bap boıynsha ótken jyly 43 adam sottaldy», - dep jazylǵan oblystyq sot taratqan habarlamada.

Sondaı-aq, 2023 jyly urlyq baby boıynsha 20 turǵynǵa sot úkim shyǵardy.