Mańǵystaýda 536 km elektr jelisine kúrdeli jóndeý tolyq aıaqtaldy
ASTANA. KAZINFORM - Mańǵystaý oblysynda aldaǵy jylytý maýsymyna energetıkalyq ınfraqurylymdy daıyndaý aıasynda elektr jelilerine kúrdeli jóndeý jumystary aıaqtaldy, dep habarlaıdy QR Energetıka mınıstrliginiń baspasóz qyzmeti.
Bıyl 536 km elektr jelisine kúrdeli jóndeý júrgizý josparlanǵan bolatyn. Búgingi tańda jumystar tolyq kólemde oryndaldy – 536 km nemese 100%. Sonymen qatar, 2 qosalqy stantsııaǵa, sondaı-aq 77 taratý pýnktine, transformatorlyq qosalqy stantsııaǵa jáne keshendi transformatorlyq qosalqy stantsııaǵa kúrdeli jóndeý jumystary aıaqtaldy.
Óńirdiń energetıkalyq ınfraqurylymyn jylytý maýsymyna daıyndaý jumystary áli júrip jatyr. Jylý jelileri boıynsha bıyl 11,4 km jelini jóndeý josparlanǵan. Búgingi tańda 8,96 km nemese 78% jeli jóndeldi. Óńirdegi elektr stantsııalarynda 3 qazandyq agregatyna kúrdeli jóndeý jumystary aıaqtaldy. Qazirgi ýaqytta 1 qazandyq pen 3 týrbınaǵa jóndeý júrgizilip jatyr.
-Jóndeý naýqanynyń barysy Energetıka mınıstrligi Energetıkalyq qadaǵalaý jáne baqylaý komıtetiniń Mańǵystaý oblysy boıynsha aýmaqtyq departamentiniń turaqty baqylaýynda,-delingen habarlamada.
Osyǵan deıin Pavlodar oblysyndaǵy energetıka nysandary qysqa daıyndyǵy týraly jazdyq.
