Mańǵystaýda 460 oqýshy ýlanǵan mektep ashanasynyń meńgerýshisine sot úkimi shyqty

AQTAÝ. KAZINFORM – Jeke kásipker Dámetken Shákenova 1 jylǵa bas bostandyǵynan aırylyp, sot zalynda qamaýǵa alyndy. Sot úkimimen sottalýshy Qylmystyq kodekstiń 304-baby 1-bóligi boıynsha qylmys jasaǵany úshin kináli dep tanyldy.

Sonymen qatar, ol 3 jyl qoǵamdyq tamaqtandyrý salasynda kásipkerlik qyzmetpen aınalysý quqyǵynan aıyryldy. 

Eske salaıyq, byltyr 6 qyrkúıekte Munaıly aýdany Besshoqy aýylyndaǵy №8 mektepte ashanada tamaqtanǵan oqýshylar jappaı aýyryp, dárigerdiń kómegine júgingen bolatyn. Bas-aıaǵy eki kúnde jalpy sany - 460 bala «astan ýlaný» dıagnozymen aýrýhanaǵa jatqyzyldy. Abyroı bolǵanda, oqýshylar túgel emdelip shyqty.

Mektep ashanasyna júrgizilgen tekserýler nátıjesinde as ázirlenetin bólmeden ishek bakterııalary anyqtaldy. 12 qyzmetkerden stafılokokk bakterııasy tabyldy. Al ydys jýýshy áıel dızenterııany tasymaldaýshy bolyp shyqty. Al, jeke kásipkerdiń 10 jyldan beri atalǵan mektepti ystyq taǵammen qamtamasyz etkeni belgili boldy.

Mańǵystaýda alpysqa jýyq oqýshy astan ýlandy.

Mańǵystaýda tamaqtan ýlanǵan 2 oqýshy jansaqtaý bóliminde jatty.

Mańǵystaýda oqýshylardyń jappaı astan ýlanýyna qatysty tergeý aıaqtalǵany týraly jazǵan edik.