Mańǵystaýda 37 adam ýlanǵan kafeniń ıesi bas bostandyǵynan aıyrylýy múmkin
AQTAÝ. KAZINFORM — Mańǵystaý oblysy Beıneý aýdanyndaǵy qoǵamdyq tamaqtaný ornynda astan ýlanǵan adam sany 37 adamǵa jetti. Qazir atalǵan oqıǵaǵa baılanysty tergeý amaldary bastalyp, qoǵamdyq tamaqtaný ortalyǵy tórt kúnnen beri jabyq tur.
Mańǵystaý oblystyq densaýlyq saqtaý basqarmasy basshysynyń orynbasary Bıbizada Dúısenbaevanyń aıtýynsha, ýlanǵan adamdar 21 aqpannan bastap jedel járdem kómegine júgingen.
«Beıneý aýdandyq aýrýhanasyna 22 aqpanda astan ýlanǵan naýqastan túse bastady. Olardy tekserý kezinde 19 aqpan kúni aýdan ortalyǵynda „Alı-Man“ kafesinen sýshı, pıtstsa sekildi fastfýd taǵamdaryn jegeni belgili boldy. Naýqastarda 20 aqpannan bastap jaǵdaıy nasharshap, dene qyzýy 39 gradýsqa deıni kóterilýi jáne ishtiń ótýi baıqaldy. Jalpy, astan ýlanǵan jedel járdem qyzmetin shaqyrǵannan keıin aýdandyq kóp beıindi aýrýhanaǵa qarala bastaǵan. 22 aqpan kúni polıtsııanyń aralasýynen atalǵan kafe jabyldy. Statıstıka boıynsha 21 aqpan kúni 9 adam dárigerge qaralsa, 2 aýrýhana jatqyzyldy. 22 aqpan kúni 12 adam qaraldy. Al aqpannyń 23 kúni qaralǵandar sany 13 adam bolsa, 8-i aýrýhana jatqyzyldy. Al senbi kúni 1 adam qaralǵan. Qazirgi ýaqytta qaralǵan adamdar sany — 37. Onyń 27-si statsıonarlyq em qabyldap jatyr. On adam ambýlatorııalyq baqylaýda. 7 adamnyń jaǵdaıy ortasha aýyrlyqta. 20-sy qalypty jaǵdaıda», — dedi Bıbizada Dúısenbaeva.
Bıbizada Áshimqyzynyń sózinshe, naýqastar arasynda 8 bala, 2 júkti áıel jáne taıaýda bosanǵan bir kelinshek bar.
Mańǵystaý oblysy PD tergeý basqarmasynyń bólim bastyǵy Aıbolat Myrzashev tergeý nátıjesi boıynsha jaýaptylar bas bostandyǵyna aırylýy múmkin ekenin atady.
«Beıneýdegi „Alı-Man“ fastfýd ortalyǵyndaǵy jappaı ýlanýdan keıin sotqa deıingi tergeý amaldary bastaldy. Qylmystyq kodekstiń 304 babynyń1 bóligi boıynsha is tirkeldi. ıAǵnı, sanıtarlyq qaǵıdalardy nemese gıgıenalyq normantıvterdi buzý boıynsha qylmystyq is qozǵalyp jatyr. Sonymen qatar, oqıǵa ornyn tekserý júrgizildi. Ashanadaǵy tamaqtyń quramy zerthanaǵa jiberildi. Qylmystyq is sheńberinde jábirlenýshilerdiń densaýlyǵyna baılanysty sot-medıtsınalyq saraptamasy taǵaıyndalyp otyr. Saraptama qorytyndysynan keıin protsessýaldy sheshim qabyldanatyn bolady. Atalǵan bap boıynsha aıyppul salynady nemese bas bostandyǵynan aıyrylýy múmkin», — dedi ol.
Qazir ýaqytta Beıneý aýdandyq kópbeıindi ortalyq aýrýhanasynda jatqan turǵyndardyń jaǵdaıy jigi baqylaýda. Al olarǵa qajetti tıisti dári-dármek qory jetkilik kórinedi.
Buǵan deıin Beıneýde otyzdan astam adam tamaqtan ýlanyp aýrýhanaǵa túskeni málim bolǵan edi.
Keıin olarǵa qatysty tıisti tekserý jumystary bastalǵany belgili boldy.
