Mańǵystaýda 30-ǵa jýyq ıtbalyq teńizge jiberildi
AQTAÝ. KAZINFORM – 2025 jylǵy 7-9 naýryz aralyǵynda Jaıyq-Kaspıı oblysaralyq basseındik balyq sharýashylyǵy ınspektsııasynyń memlekettik ınspektorlary Mańǵystaý oblysy ákimdiginiń ókilderimen jáne «Mıkrobıologııa jáne vırýsologııa» ǵylymı-óndiristik ortalyǵynyń qyzmetkerlerimen birlesip Kaspıı teńiziniń jaǵalaý jıegine monıtorıng júrgizgen.
- Qazirgi ýaqytta aýa raıy jaqsardy jáne ıtbalyqtardyń kópshiligi tabıǵı ortaǵa ózdiginen oraldy. Іzdeý jumystary barysynda mamandar 30-ǵa jýyq jas ıtbalyqtardy taýyp, jınap, sýǵa jiberdi, - delingen Balyq sharýashylyǵy taratqan habarlamada.
Odan ári monıtorıngti jalǵastyrý úshin 12 naýryzda jergilikti atqarýshy organdar, qoǵamdyq birlestikter men buqaralyq aqparat quraldary ókilderiniń qatysýymen áýeden barlaý josparlanǵan. Ondaǵy maqsat-teńizden edáýir qashyqtyqqa ketken ıtbalyqtardy anyqtaý.
Bul jaǵdaı Qazaqstan Respýblıkasy Aýyl sharýashylyǵy mınıstrliginiń beıindi vedomstvosynyń baqylaýynda.
Buǵan deıin, Balyq sharýashylyǵy komıteti ıtbalyqtardyń qurlyqqa shyǵyp ketýin túsindirgen edi.