Mańǵystaýda 2000-nan astam adamnyń eńbek quqyqtary buzylǵan - prokýratýra

ASTANA. KAZINFORM - Munaıly aýdanynyń prokýratýrasy bilim berý mekemeleriniń 2000-nan astam jumysshycsyyń, onyń ishinde 6 múmkindigi shekteýli adamnyń konstıtýtsııalyq (eńbek) quqyqtaryn qorǵady.

Taldaý barysynda atalǵan tulǵalardyń eńbek sharttarynda eńbek zańnamasynyń talaptaryna qaıshy jumys ýaqyty men demalystyń uzaqtyǵy kórsetilmegeni anyqtaldy.

Mysaly, Eńbek kodeksiniń 69-babyna sáıkes múgedektigi bar jumyskerlerge aptasyna 36 saǵattan aspaıtyn jumys ýaqytynyń qysqartylǵan uzaqtyǵy belgilenedi, bul talaptardy buza otyryp 6 múmkindigi shekteýli tulǵaǵa 8 saǵattyq jumys kestesi bekitilgen.

Osy fakti boıynsha Mańǵystaý oblysynyń eńbek ınspektsııasyna prokýrorlyq qadaǵalaý aktisi engizildi.

Qazirgi ýaqytta barlyq zań buzýshylyqtar joıyldy, aýdandyq bilim bóliminiń basshysy ákimshilik jaýaptylyqqa tartyldy.