Mańǵystaýda 17 laýazymdy tulǵa jaýapqa tartyldy
AQTAÝ. KAZINFORM – Mańǵystaý oblysynyń prokýratýrasy kásipkerlik salasyna memlekettik baqylaý júrgizý barysyndaǵy zańdylyqtardyń saqtalýyna taldaý júrgizip, zańsyzdyqtardy anyqtaǵan.
Atap aıtqanda, ártúrli ýákiletti organdardyń laýazymdy tulǵalary tarapynan tekserýlerdi negizsiz taǵaıyndaý jáne kásipkerlik qyzmetke zańsyz aralasý boıynsha 17 quqyq buzýshylyq faktileri tirkeldi.
- Qabyldanǵan sharalardyń nátıjesinde 17 laýazymdy tulǵa ÁQBtK-niń 173 jáne 175-baptary boıynsha ákimshilik jaýaptylyqqa tartyldy. Aqtaý qalasynda, sondaı-aq Mańǵystaý, Munaıly, Qaraqııa, Túpqaraǵan jáne Beıneý aýdandarynda zańsyz tekserýler, qyzmetter úshin tólem jasaýdan negizsiz bas tartý, negizsiz talap aryzdar berý, qujattardy zańsyz alý jáne tekserýlerdi tirkeý tártibin buzý faktileri anyqtaldy, - delingen habarlamada.
Osydan keıin qadaǵalaýshy organ kásipkerlerdi quqyqtary buzylǵan jaǵdaıda, Mańǵystaý oblysynyń prokýratýrasyna júginýge shaqyrdy.
Buǵan deıin Mańǵystaýda munaı-gaz kompanııasynyń basshylary 261 mln teńge jymqyrǵany úshin sottalǵan bolatyn.