Mańǵystaýda 165 jumyskerge jalaqyny ýaqytyly tólemegen kásiporyn jaýapqa tartyldy
ASTANA.KAZINFORM - Qaraqııa aýdanynyń prokýratýrasy eńbek zańnamasynyń saqtalýyna taldaý júrgizdi.
Eńbek kodeksiniń 113-babyna sáıkes jalaqy aıyna keminde bir ret, kelesi aıdyń birinshi onkúndiginen keshiktirilmeı tólenýge tıis. Taldaý barysynda «Turmys-Servıs» memlekettik kommýnaldyq kásipornynyń 165 jumyskerge jalaqyny ýaqytyly tólemegeni anyqtaldy.
Prokýrorlyq qadaǵalaý aktisi boıynsha jumyskerlerdiń buzylǵan quqyǵy qalpyna keltirilip, olarǵa jalpy somasy 29 mln teńge kólemindegi jalaqy bereshegi tolyq óteldi.
Sonymen qatar eńbek zańnamasynda belgilengen merzimde jalaqyny tólemegeni úshin kásiporyn Ákimshilik quqyq buzýshylyq týraly kodeksiniń 87-babynyń 1-bóligine sáıkes ákimshilik jaýapqa tartylyp, ákimshilik aıyppul salyndy. Azamattardyń eńbek quqyqtaryn qorǵaý máseleleri prokýratýra organdarynyń turaqty baqylaýynda.
Aıta keteıik, Qazaqstanda eń tómengi jalaqyny arttyrý máselesi qaralady.
Medıtsına mamandarynyń jalaqysyn ósirýge 33 mıllıard teńge bólindi.
