Mańǵystaýda 13 jasar bala Kaspııge batyp ketti

AQTAÝ. KAZINFORM — Qaıǵyly oqıǵa Qaraqııa aýdany Quryq aýylynan 3 shaqyrym jerdegi teńizde bolǵan. 2011 jyly týǵan bala sýǵa batyp kóz jumdy. 

Aýdandyq tótenshe jaǵdaılar bóliminiń qyzmetkerleri jasóspirimniń denesi tabylǵanyn habarlady.

Mamandardyń aıtýynsha, sýdaǵy qaýipsizdik jáne saqtyq erejeleri saqtalmaǵan. 

Sondyqtan Qaraqııa aýdany tótenshe jaǵdaılar bólimi mamandary aýdan turǵyndary men qonaqtarǵa qatań eskertý jasady.

Mamandar shomylýǵa tyıym salynǵan jerlerde sýǵa túsýge bolmaıtynyn aıtady.

Sondaı-aq, kópirlerden jáne bógetterden sýǵa sekirmeýge, balalardy qaraýsyz qaldyrmaýǵa, mas bolyp shomylmaýǵa, jabdyqtalmaǵan jerde sýǵa túspeýge shaqyrdy. 

Buǵan deıin Quryq aýyly aýmaǵyndaǵy teńiz jaǵalaýynda 2 jasar bala sýǵa ketkenin jazǵan edik. 

Al, jyl basynan beri elimizde 45 adam sýǵa ketip, qaıtys bolǵan.