Mańǵystaýda aýladan 12 jastaǵy balanyń denesi tabyldy
AQTAÝ. KAZINFORM — Maǵystaý oblysy Munaıly aýdanynda aýlalardyń birinen mektep jasyndaǵy bala óli kúıinde tabylǵan. Balanyń qaıtys bolǵanyn jedel-járdem stantsııasy rastady. Oqıǵa 1 maýsymda bolǵan. Dárigerler 2014 jyly týǵan balanyń qaıtys bolǵanyn jetkizdi.
Oblystyq polıtsııa departamentine de 1 maýsym kúni Munaıly aýdanyna qarasty Atameken aýylyndaǵy úılerdiń birinde kámeletke tolmaǵan balanyń qaıtys bolǵany týraly habarlama túsken.
— Aldyn ala derekterge sáıkes, 12 jastaǵy jasóspirim aýlada qoldan jasalǵan átkenshekte oınap júrgen kezde jazataıym oqıǵaǵa ushyrap, ómirine qaýipti jaraqat alǵan. Atalǵan derek boıynsha adam ólimi faktisimen qylmystyq is qozǵaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý amaldary júrgizilip jatyr. Tergeý múddesine baılanysty ózge aqparat jarııa etilmeıdi, — deıdi oblystyq polıtsııa departamentiniń baspasóz qyzmeti.
Aqtaýda aılaqtaǵy jappaı tóbeleske qatysty qylmystyq is qozǵaldy.
