Mańǵystaýda 12 qurylys kompanııasynyń qyzmeti toqtatyldy
ASTANA. KAZINFORM — Mańǵystaý oblysynyń prokýratýrasy qurylys salasynda lıtsenzııa berýdiń zańdylyǵyna taldaý júrgizdi, dep habarlaıdy vedomstvonyń baspasóz qyzmeti.
Nátıjesinde 12 qurylys kompanııasy zańsyz ruqsat alǵany belgili boldy. Olardy alý úshin qurylys salýshylar bir menshik ıelerinen jalǵa alynǵan óndiristik bazalardy paıdalanǵany, sonymen qatar ótinimderde birdeı ınjenerlik-tehnıkalyq qyzmetkerlerdi jarııalaǵany anyqtaldy.
— Tekseris nátıjesinde 12 mekemeniń barlyǵy ákimshilik jaýaptylyqqa tartyldy. Jalpy somasy 5 mıllıon teńgeden astam aıyppul salyndy. Anyqtalǵan buzýshylyqtar joıylǵanǵa deıin kompanııalardyń qyzmeti toqtatyldy. Qurylys salasyndaǵy zańdylyqty qamtamasyz etý jumystary jalǵasyp jatyr, — delingen habarlamada.
Mańǵystaý oblysynyń prokýratýrasy lıtsenzııalardy josyqsyz alý faktileriniń jolyn kesýdi jáne óńirdiń qurylys salasynda ashyqtyqty qamtamasyz etetin bolady.
Budan buryn Astanadaǵy «Elorda Qurylys Kompanııasy» bóliminiń basshysy 10 jylǵa sottalǵany málim boldy.