Mańǵystaýda 10 jastaǵy qyzdy qoǵamdyq kólik qaǵyp, qaza tapty

AQTAÝ. KAZINFORM – Qaıǵyly oqıǵa Munaıly aýdany Mańǵystaý aýylynda bolǵan. Aqtaýdan eldi mekenge kirip kele jatqan nómiri 105-qoǵamdyq kólik jaıaý júrginshiler ótkelinde jasóspirimdi qaǵyp ketken. 10 jasar qyz bala oqıǵa ornynda kóz jumdy.

Munaıly aýdandyq polıtsııa bólimi bastyǵynyń orynbasary Batyrhan Syndarovtyń aıtýynsha, osy oqıǵa boıynsha qylmystyq is qozǵalyp, avtobýs júrgizýshisi ýaqytsha ustaý ızolıatoryna qamalǵan.

- Qoǵamdyq kólik júrgizýshisi jol qozǵalysy erejelerin saqtamaı, rettelmeıtin jaıaý júrginshiler ótkelinen ótip bara jatqan jasóspirimdi qaǵyp ketken. Jol-kólik oqıǵasy saldarynan dene jaraqatyn alǵan qyz oqıǵa ornynda qaza tapty. Júrgizýshige qatysty QR Qylmystyq kodeksiniń 345-babynyń 3-bóligi boıynsha tergeý bastaldy. Qoǵamdyq kólik aıypturaqqa qoıyldy, - deıdi Munaıly aýdandyq polıtsııa bólimi bastyǵynyń orynbasary Batyrhan Syndarov.

Buǵan deıin Mańǵystaýda 90 myń gektardan astam jer memleket menshigine qaıtarylǵany týraly jazǵan bolatynbyz.