Mańǵystaý jaǵalaýynan 173 bekire tuqymdas balyqtyń óleksesi tabyldy
AQTAÝ. KAZINFORM – Mańǵystaý oblysynyń Qaraqııa aýdanynda Kaspıı teńiziniń jaǵalaýynan bekire tuqymdas 173 balyqtyń óleksesi tabyldy. Mamandardyń málimetinshe, batystan soqqan qatty jelden keıin balyqtar jaǵaǵa shyǵyp qalǵan. Qazir oqıǵanyń mán-jaıy anyqtalyp jatyr.
Mańǵystaý oblystyq balyq sharýashylyǵy basqarmasynyń Janýarlar dúnıesin qorǵaý qyzmetiniń málimetinshe, 20 qazanda qyzmetkerler balyq ınspektsııasynyń ókilderimen birlesip, jaǵalaýdaǵy rezervtik ýchaskelerdi teksergen.
Tekserý «Ómir glempıng» demalys bazasynan bastap Peschanyı múıisine deıingi, odan ári Quryq portyna jalǵasatyn jaǵalaý aýmaǵyn qamtyǵan. Osy ýchaskeden ártúrli deńgeıde shirigen 173 bekire tuqymdas balyqtyń óleksesi tabylǵan.
Bul týraly aqparat Qaraqııa aýdanynyń 102 qyzmetine, Mańǵystaý oblysynyń ekologııa basqarmasyna jáne jergilikti atqarýshy organdarǵa joldanǵan. Qazir mamandar bıologııalyq materıaldar men teńiz sýynan synamalar alyp jatyr. Sonymen qatar ólgen balyqtardy jınaý, joıý jumystary júrgizilýde. Bekire tuqymdas balyqtardyń qyrylý sebebi ázirge belgisiz.
Buǵan deıin, Mańǵystaýda jaǵalaýdan óli ıtbalyqtar tabylǵan bolatyn
