Mańǵystaý turǵyndary referendýmǵa ulttyq kıimmen kelý chellendjin bastady
AQTAÝ. KAZINFORM – Mańǵystaý oblysynyń turǵyndary respýblıkalyq referendým kúni ulttyq kıim kıip kelý chellendjin bastady.
Respýblıkalyq referendým ótetin kúni Mańǵystaý oblysynyń turǵyndary áleýmettik jelilerde ulttyq kıim kıip júrý chellendjin bastady.
Bul bastama óńir turǵyndary arasynda tez taralyp, azamattyq belsendiliktiń jarqyn kórinisteriniń birine aınalyp otyr.
Chellendj azamattardyń referendýmdaǵy daýys berýge qatysýynyń mańyzyn kórsetip qana qoımaı, ulttyq dástúrler men mádenı qundylyqtardy saqtaý jáne nasıhattaýǵa da yqpal etedi.
Óńir turǵyndary saılaý ýchaskelerine ulttyq kıimmen kelip, daýys berýge qatysyp, áleýmettik jelilerde foto jáne beınerolıkter jarııalap jatyr. Osylaısha chellendjge qatysýshylar ulttyq mádenıetke degen qurmetin bildirip, sonymen qatar azamattyq ustanymdaryn da kórsetip jatyr.
Aıta keteıik, bıyl referendým ótkizý kúni Mańǵystaý óńirinde keńinen atap ótiletin dástúrli Amal merekesimen tuspa-tus keldi. Bul kúni turǵyndar bir-birine qonaqqa baryp, jyly lebizderin bildirip, kórisip, izgi tilekter aıtady. Sondyqtan kóptegen turǵyn saılaý ýchaskelerine ulttyq kıimmen kelip, bir-birin merekemen quttyqtap, erekshe birlik pen syılastyq atmosferasyn qalyptastyryp otyr.
Óńirde mundaı bastamalar azamattyq jaýapkershilikti arttyryp, qoǵamdyq birlikti nyǵaıtýǵa jáne eldiń qoǵamdyq-saıası ómirine qatysýǵa degen qyzyǵýshylyqty kúsheıtýge yqpal etetini atap ótilip jatyr. Ásirese, bul chellendjge jastar belsendi qatysyp, ulttyq dástúrlerge qurmetpen qaraıtynyn jáne memleket taǵdyryna beıjaı qaramaıtynyn kórsetip otyr.
Qazirgi tańda oblys turǵyndary chellendjge belsendi túrde qosylyp, saılaý ýchaskelerine ulttyq kıimmen kelip, referendýmda daýys berip, áleýmettik jelilerde foto jáne beınerolıkter jarııalap jatyr.
Aıta ketelik búgin Qazaqstanda jańa Ata Zańnyń jobasy boıynsha jalpyulttyq referendým bastaldy.