Mańǵystaý prokýrorlary 9 mlrd teńgeni maqsatsyz jumsamaq bolǵandarǵa tosqaýyl boldy
AQTAÝ. KAZINFORM — Mańǵystaý oblysynda prokýrorlar 9 mlrd teńge bıýdjet qarjysyn maqsatsyz jumsamaq bolǵandardyń jolyn kesti. Zańsyzdyqtardyń basym bóligi artyq shyǵyn men taýar baǵasyn negizsiz kóterýge baılanysty anyqtalǵan. Bul týraly oblystyq prokýratýra málim etti.
Prokýrorlar 9 mlrd teńge bıýdjet qarajatyn negizsiz jumsamaq bolǵandardy anyqtap, ýdyń qabyldanǵan sharalar nátıjesinde 121 jaýapty tulǵa tártiptik, 34 ákimshilik jaýapqa tartty.
— Zań buzýshylyqtarynyń basym bóligi taýarlardyń joǵary baǵalanýy, artyq jáne qajetttiligi joq taýar, jumys jáne qyzmetterdi satyp alýdy josparlaý, bıýdjettik ótinimsiz negizsiz qarajattyń bólýi. Osyǵan uqsas zań buzýshylyqtary oblystyń barlyq qala men aýdandarda da bolyp otyr, — delingen habarlamada.
Osy baǵytta júıeli jumystar óz jalǵasyn tabady.
Buǵan deıin habarlanǵandaı, Shymkentte áleýmettik tólemderdi jymqyrý boıynsha is tergelip jatyr.